ფეისბუქზე გავრცელდა ვიდეო, სადაც ჩანს, რომ თბილისის საერთაშორისო აეროპორტში მესაზღვრე უცხო ქვეყნის მოქალაქეს აგრესიულად და დამამცირებელი ტონით ელაპარაკება. მან, აგრეთვე, ქალს უთხრა, რომ ის საქართველოში ვერასოდეს შემოვა და ნაცვლად შეუძლია თურქეთში ან ირანში წავიდეს.

"დაჯექი მანდ, არ მინდა შენთან საუბარი. აქ კითხვების დასმის ადგილი არ არის, ეს საზღვარია... უარს გეუბნებით შემოსვლაზე. ეს ჩვენი ქვეყანაა. საქართველოში ვერასდროს შემოხვალ", — ეუბნება მესაზღვრე ქალს.

უცხო ქვეყნის მოქალაქე ეკითხება, თუ რატომ აშინებს და რატომ ელაპარაკება ის მას ასეთი ტონით, მესაზღვრე კი პასუხობს, რომ დაელაპარეკება, როგორც მოისურვებს.

შინაგან საქმეთა სამინისტროში On.ge-ს უთხრეს, რომ აეროპორტში მომხდარ ფაქტთან დაკავშირებით სამსახურეობრივი შემოწმება შსს-ს გენერალურმა ინსპექციამ დაიწყო.

აღნიშნულ მოქალაქეზე კი აცხადებენ, რომ მას საქართველოში შემოსვლაზე უარი უცხოელთა და მოქალეობის არმქონე პირთა სამართლებრივი მდგომარების შესახებ საქართველოს კანონის მე-11 მუხლის, "ი" ქვეპუნქტის საფუძველზე ეთქვა. ამ მუხლის მიხედვით, უცხოელს საქართველოს ვიზის გაცემაზე ან საქართველოში შემოსვლაზე შეიძლება უარი ეთქვას "საქართველოს კანონმდებლობით გათვალისწინებულ სხვა შემთხვევებში".