დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საკოორდინაციო საბჭოს Covid-19-ის საწინააღმდეგო ვაქცინაციაზე საკომუნიკაციო კამპანიის ხედვა წარუდგინეს და იმედს გამოთქვამს, რომ კამპანია კიდევ უფრო გაძლიერდება.

"Covid-19-ის საწინააღმდეგო ვაქცინაციაზე საკომუნიკაციო კამპანიას აქვს ძალიან დიდი მნიშვნელობა. ის ნაბიჯ-ნაბიჯ დაიწყო იანვრიდან. გასაგებია, რომ ის ძალიან აგრესიული არ იყო, რადგან გარანტირებული ვაქცინების მოწოდება არ იყო, მიუხედავად იმისა, რომ კოვაქსთან ახლო ურთიერთობა გვქონდა, რამდენჯერმე გადაიდო მოწოდების თარიღები. გუშინ, დღესაც საკოორდინაციო საბჭოს წარვუდგინეთ დაავადებათა კონტროლის ცენტრის ხედვა ამ საკითხთან მიმართებაში. იმედია, რომ ის გაზიარებული იქნება და შეასაბამისად, ეს კამპანია კიდევ უფრო გაძლიერდება", — განაცხადა გამყელიძე.

მან კიდევ ერთხელ აღნიშნა, რომ პანდემიის დამარცხების ერთადერთი გზა მასობრივი ვაქცინაციაა. ამიტომ, ყველას აცრისკენ მოუწოდა.