ამერიკის შეერთებული შტატების ელჩი, კელი დეგნანი სახალხო დამცველის ოფისზე პოლიტიზებული თავდასხმებით შეშფოთებულია. დეგნანი სახალხო დამცველ ნინო ლომჯარიას მისი საქმიანობის მიმართ აშშ-ის საელჩოს მხარდაჭერის გამოსახატად შეხვდა.

"სახალხო დამცველის ოფისი საქართველოში ადამიანის უფლებათა დაცვისა და დემოკრატიული განვითარებისთვის სასიცოცხლოდ მნიშვნელოვანი, დამოუკიდებელი ინსტიტუტია. ჩვენ შეშფოთებული ვართ სახალხო დამცველის ოფისზე პოლიტიზებული თავდასხმებით, რაც ამ მნიშვნელოვან ინსტიტუტს აზიანებს და მის ეფექტურობას ძირს უთხრის", — აცხადებენ საელჩოში.

ამერიკის საელჩო პარლამენტს მოუწოდებს, სახალხო დამცველის ოფისის საქმიანობაში კონსტრუქციულად ჩაერთოს და მის როლს საქართველოში თითოეული მოქალაქის უფლებების დასაცავად მხარი დაუჭიროს.