ჯანდაცვის მინისტრის, ეკატერინე ტიკარაძის განცხადებით, ახალციხელი ექთნის გარდაცვალებაზე პასუხისმგებლობას გრძნობს, თუმცა ამბობს, რომ მსგავს შემთხვევებზე თანამდებობის დატოვების პრეცედენტი მსოფლიოში არ ყოფილა.

"ჯანდაცვის მინისტრი, რა თქმა უნდა გრძნობს პასუხისმგებლობას. ეს არის თითოეული იმ ადამიანის პასუხსიმგებლობა, ვინც ამ საკითხზე მუშაობს", — აღნიშნა ტიკარაძემ.

რაც შეეხება ჟურნალისტის დასმულ კითხვას, პასუხიმგებლობა შეიძლება გულისხმობდეს თუ არა თანამდებობის დატოვებას ან კონკრეტული პირების პასუხისმგებლობის საკითხის დაყენებას, ამბობს, რომ მსგავსი პრეცედენტი მსოფლიოში არ ყოფილა.

27 წლის ახალციხელი ექთანი, რომელიც პირველ საუნივერსიტეტო კლინიკაში მკურნალობდა, 19 მარტს გარდაიცვალა.

18 მარტს გავრცელდა ინფორმაცია, რომ ახალციხეში ექთანი AstraZeneca-ს ვაქცინის გაკეთების შემდეგ კომაში ჩავარდა. მოგვიანებით გაირკვა, რომ მას სავარაუდოდ, ანაფილაქსიური რეაქცია ჰქონდა.

ბრიფინგზე ჯანდაცვის მინისტრის მოადგილემ და NCDC-ის დირექტორმა აღნიშნეს, რომ, შესაძლოა, ეს იყოს ვაქცინის გვერდითი ეფექტი, თუმცა ამის დასადგენად მიმდინარეობს კვლევა. ამის შემდეგ ჯანდაცვის სამინისტროში ექსპერტებმა AstraZeneca-ს ვაქცინის სამომავლო გამოყენებაზე იმსჯელეს და გადაწყვიტეს, რომ ამ პრეპარატით აცრა არ შეჩერდება.

გაბუნიამ აღიშნა ისიც, რომ ასტრაზენეკას ვაქცინას მსგავს გვერდით რეაქცია აქვს უკვე დაფიქსირებული — ბრიტანეთის მონაცემებით, 5 მილიონი შემთხვევიდან 41 იყო მსგავსი ანაფილაქსიური გვერდითი რეაქცია. მანვე აღნიშნა, რომ ვაქცინის რისკი მის სარგებელთან შედარებით ყოველთვის ნაკლებია.

ამავე თემაზე: