ჯანდაცვის მინისტრი, ეკატერინე ტიკარაძე ხვალიდან რეგიონებში, კლინიკების მონახულებას და სამედიცინო პერსონალთან "ინტენსიურ გასაუბრებებს" გეგმავს. ასე უპასუხა მან ჟურნალისტის კითხვას, რას გააკეთებს სამინისტრო იმისთვის, რომ ვაქცინაციის მსურველი სამედიცინო მუშაკების რიცხვი გაიზარდოს.

"მე პირადად ვგეგმავ, რეგიონებში, სამედიცინო პერსონალთან გასაუბრებებს და ხვალიდან დავიწყებ ინტენსიურ გასაუბრებებს ჩვენს კოლეგებთან. ვინაიდან საჩხერის კლინიკა იყო დასახელებული, ის იქნება ალბათ პირველი კლინიკა, რომელსაც მე მოვინახულებ და იმერეთის რეგიონი, სადაც ხვალ განვახორციელებ ჩემს ვიზიტს", — განაცხადა ტიკარაძემ.

დაავადებათა კონტროლისა და საზოგადოებრივი ჯანდაცვის ეროვნულმა ცენტრის (NCDC) ინფორმაციით, 22 მარტის მონაცემებით, უკვე აცრილია ჯანდაცვის სექტორში მომუშავე 3 843 ადამიანი.

კორონავირუსის საწინააღმდეგო ვაქცინაცია საქართველოში 15 მარტს საქართველოში დაიწყო.

გაიგეთ მეტი: