ჯანდაცვის მინისტრის მოადგილის, თამარ გაბუნიას განცხადებით, აჭარაში ვაქცინაცია რაიონულ დონეზე აღარ ჩატარდება და ეს ყველაფერი ბათუმის რესპუბლიკურ საავადმყოფოში გაგრძელდება,

"აჭარის შემთხვევაში ჩვენ გვქონდა შერჩეული ბათუმის რესპუბლიკური საავადმყოფო, როგორც მთავარი აცრის ცენტრი Pfizer-ის ვაქცინისთვის, AstraZeneca-ს ვაქცინისთვის, ისევე როგორც ამას ბევრი ქვეყანა აკეთებს, ვაქცინაციის ჯგუფმა უპირატესობა მიანიჭა გეოგრაფიული ხელმისაწვდომობის დაცვას და მოგეხსენებათ, აჭარაში არის რაიონული დონის საკმაოდ კარგი და გამართული დონის საავადმყოფოები, სადაც იყო დაგეგმილი ვაქცინაციის ჩატარება, თუმცა გუშინდელი გადაწყვეტილების შემდეგ პერიფერიულ კლინიკებში, ანუ რაიონულ დონეზე ვაქცინაციის პროცესი აღარ ჩატარდება და ეს ყველაფერი გაგრძელდება ბათუმის რესპუბლიკურ საავადმყოფოში, რომელსაც აქვს საკმაოდ კარგი და დიდი შესაძლებლობა იმისთვის, რომ ნაკადების საკმაოდ დიდი რაოდენობა მართოს", — განაცხადა გაბუნიამ.