ჯანდაცვის მინისტრის მოადგილის, თამარ გაბუნიას განცხადებით, მაქსიმალური უსაფრთხოების უზრუნველყოფის მიზნით, ვაქცინაციის პროცესი მრავალპროფილური სტაციონარების დონეზე გაგრძელდება.

"იმ რისკების გათვალისწინებით, რომ ანაფილაქსიური რეაქცია თეორიულად შესაძლებელია და უკავშირდება ვაქცინაციის პროცესს, მაინც უფრო უსაფრთხო არის მრავალპროფილურ კლინიკებში ამ პროცესის გაგრძელება", — განაცხადა თამარ გაბუნიამ.

გაბუნია განმარტავს, რომ ანაფილაქსიური შემთხვევები ქვეყანაში ყოველწლიურად ფიქსირდება, მათ შორის, დაფიქსირებულია ამ მიზეზით გამოწვეული გარდაცვალების შემთხვევებიც. ჯანდაცვის მინისტრის მოადგილე ამბობს,

"დანაკარგი დიდია, თუმცა ჩენ ისიც გვესმის, რამდენად მაღალი რისკების წინაშე ვდგავართ, რაც უკავშირდება ეპიდემიის პრცესს და როგორია მოსალოდნელი სარგებელი, ზოგადად, ვაქცინაციის პროგრამის.

ამდენად, გუშინ, ვაქცინაციის ექსპერტების საბჭომ, ასევე, გვერდითი მოვლენების მართვის საბჭომ, მიიღო გადაწყვეტილება ვაქცინაციის პროგრამის გაგრძელების შესახებ, რაც, ასევე, ემყარება ევროპის მარეგულირებლის დასკვნას, რომელიც კვლავაც უჭერს მხარს AstraZeneca-თი ვაქცინაციის გაგრძელებას, გამომდინარე იქედან, გამომდინარე იქედან, რომ AstraZeneca-ს ფონზე გვერდითი მოვლენები მართალია არსებობს, მაგრამ, რისკები მნიშვნელოვნად მცირეა მოსალოდნელ სარგებელთან შედარებით", — განაცხადა თამარ გაბუნიამ.

დღეს გარდაიცვალა 27 წლის ექთანი, რომელიც პირველ საუნივერსიტეტო კლინიკაში მკურნალობდა. იგი გუშინ, ახალციხის კლინიკაში AstraZeneca-ს ვაქცინის გაკეთების შემდეგ კომაში ჩავარდა. მოგვიანებით გაირკვა, რომ მას სავარაუდოდ, ანაფილაქსიური რეაქცია ჰქონდა.

გაიგეთ მეტი: