პრემიერმინისტრი ამბობს, რომ "სულ მალე" ვაქცინაცია მოსახლეობის სხვა ჯგუფებისთვის იქნება ხელმისაწვდომი. თუმცა, ის არ აკონკრეტებს თარიღს, როდის შეიძლება დაიწყოს არასამედიცინო სექტორის წარმომადგენელთა ვაქცინაცია.

"ჩვენს ქვეყანაში მოგეხსენებათ რომ შემოვიდა ვაქცინის პირველი პარტია და ჩვენ პირველ რიგში დავიწყეთ სამედიცინო პერსონალის აცრა. სულ მალე ვაქცინაცია მოსახლეობის სხვა ჯგუფებისთვისაც გახდება შესაძლებელი", — განაცხადა მან.

როდის დაიწყება სხვა ჯგუფების ტესტირება, ამაზე ორაზროვანი პასუხები აქვთ ჯანდაცვის მინისტრსა და საკოორდინაციო საბჭოს სხვა წევრებსაც. კერძოდ, ისინი საუბრობენ იმაზე, თუ როდის შემოვა ვაქცინის დამატებითი მარაგები ქვეყანაში. ასევე, აღნიშნავენ, რომ ვაქცინაციის ეროვნული გეგმით, ჯერ სამედიცინო პერსონალის ტესტირება უნდა მოხდეს, შემდეგ კი 75 წელს ზევით მქონე სამოქალაქო პირების.