მეხანძრე-მაშველებმა გომის მთაზე დაკარგული სამი ადამიანი იპოვეს. საგანგებო სიტუაციების მართვის სამსახურის ინფორმციით, მათ ჰიპოთერმია აღენიშნებათ. მაშველებმა იპოვეს გომის მთაზე გარდაცვლილი მოქალაქეც.

"საზოგადოებრივი უსაფრთხოების მართვის ცენტრ 112-ში მიმდინარე წლის 12 მარტს, დილის საათებში, შემოვიდა შეტყობინება, რომ გომის მთაზე უამინდობის გამო ერთი მოქალაქე გაიყინა, ხოლო მისი თანმხლები სამი პირი გადაადგილებას ვერ ახერხებდა. მეხანძრე-მაშველების 10 კაციანი ჯგუფი დაუყოვნებლივ გავიდა შემთხვევის ადგილზე. მეტეოროლოგიური პირობების გამო, სამაშველო ოპერაცია გართულდა, თუმცა მოქალაქეების მოძიება რამდენიმესაათიანი ინტენსიური ღონისძიებების შედეგად მოხერხდა", — აცხადებენ საგანგებო სიტუაციების მართვის სამსახურში.