ეკონომიკის მინისტრის, ნათია თურნავას განცხადებით, ქვეყანაში ეკონომიკური საქმიანობის 70% გახსნილია და შემდგომი გახსნისთვის პრიორიტეტულად საზოგადოებრივი ტრანსპორტი დაასახელა.

"რაც შეეხება შემდგომ პრიორიტეტებს, ცალსახად, პრიორიტეტი არის საზოგადოებრივი ტრანსპორტი. რაზეც არ გვაქვს ჩვენ ჯერ მიღებული საბოლოო გადაწყვეტილება, ისევ და ისევ რესტორნები, მთის კურორტები, ფიტნეს ცენტრები და კლუბები და ეს არის კონცერტები, კულტურული ღონისძიებები, მასობრივი ხასიათის ღონისძიებები. ძირითადად, ეს საქმიანობები რჩება [ჩაკეტილი], მაგრამ მე ძალიან დიდი იმედი მაქვს, რომ ჩვენ ახლო პერიოდში შევძლებთ ვიმსჯელოთ, რა პერსპექტივებია და როდისთვის, საორიენტაციოდ მაინც, შეგვეძლება ამ სფეროების გახსნაზე სავარაუდო საუბარი", — განაცხადა თურნავამ იმედის კვირასთან.

მან, ასევე, თქვა, რომ სხვა ქვეყნებთან შედარებით საქართველოში მკაცრი შეზღუდვები არ მოქმედებს.

გაიგეთ მეტი: