შეზღუდვების გასაპროტესტებლად რესტორატორებმა მთავრობის ადმინისტრაციისკენ მსვლელობა დაიწყეს. აქციის მონაწილეები On.ge-სთან საუბრისას აცხადებენ, რომ შეზღუდვების გამო მათ დიდი ფინანსური ზარალი მიადგათ და თანამშრომლების დიდი ნაწილის გათავისუფლება მოუწიათ. "გახსენით ქვეყანა" — სკანდირებენ ისინი.

ფოტო: ლანა კოკაია / On.ge

ფოტო: On.ge

200-მა რესტორანმა პროტესტის ნიშნად დღეს მიტანის სერვისი გათიშა და მსვლელობას შეუერთდა.

"ლოქდაუნის გამო ქვეყანა სოციალური აფეთქების ზღვარზეა მისული. კოტრდება ბიზნესები. სუფევს ტოტალური უმუშევრობა. პრობლემების დაძლევის ქმედითი ნაბიჯები არ ჩანს. ვინაიდან ქვეყნის ხელისუფლება არასათანადოდ აფასებს არსებულ პრობლემებს და ნიშნის მოგებით გვახსენებს, რომ გატანის სერვისით შეგვიძლია სარგებლობა, ჩვენ პროტესტის მიზნით, ერთი დღით უარს ვამბობთ გატანის და ონლაინ სერვისებით სარგებლობაზე! 15:00 საათზე ვუერთდებით მშვიდობიან საპროტესტო აქციას სახელმწიფო კანცელარიის წინ. იმედს ვიტოვებთ, რომ მოსახლეობა გაგებით მოეკიდება ჩვენს ნაბიჯს, რაც უკიდურესი სასოწარკვეთილებითაა გამოწვეული", — წერია რესტორატორთა ასოციაციის განცხადებაში.

თვალი ადევნეთ On.ge-ს ლაივს აქციიდან:

თავდაპირველად განცხადებას 70-მდე რესტორანი აწერდა ხელს, აქციის წინ კი მათი რიცხვი თითქმის სამჯერ გაიზარდა. პროტესტში მონაწილე რესტორნების სია შეგიძლია ნახო აქ.