ფოტოს, რომელზეც ქართული ოცნება ოპოზიციის გარეშე ჩატარებულ მეორე ტურში გამარჯვებას აღნიშნავს, პარტიის ოფიციალურ Facebook გვერდზე 13 000-ზე მეტი HAHA რეაქცია აქვს. რაც შეეხება მოწონებებს, ე.წ. ლაიქებს, ეს 4,5 ათასია. გარდა ამისა პოსტს აქვს 837 Love რეაქცია, 179 — Sad, 72 — Care, 45 — Angry და 40 Wow.

ფოტო: Facebook/On.ge

ამასთან, აქტივისტების ნაწილმა ხუმრობა კომენტარებშიც გააგრძელა, ნაწილმა კი სიმბოლურად საბჭოთა კავშირის ჰიმნის ტექსტი დაწერა:

ფოტო: Facebook/On.ge

გუშინ, 21 ნოემბერს, არჩევნების მეორე ტურის დასრულების შემდეგ, რომელშიც ოპოზიცია არ მონაწილეობდა, ქართულმა ოცნებამ ოფიციალურ ფეისბუქგვერდზე ფოიერვერკის ფოტო გამოაქვეყნა და ოპოზიციის გარეშე ჩატარებულ მეორე ტურში გამარჯვებას აღნიშნავდა. "ჩვენ გავიმარჯვეთ" — დაწერეს მათ.

ამ ფოტოს სოციალურ ქსელში ფლეშმობი მალევე მოჰყვა და ფეისბუქმომხმარებლების ნაწილმა პოსტზე HAHA რეაქციების დაწერა დაიწყო. აღსანიშნავია, რომ ეს არ არის პირველი შემთხვევა, როცა მოქალაქეები პროტესტს ფეისბუქზე, HAHA რეაქციებით გამოხატავენ.