პრემიერმინისტრის თქმით, თიანეთში უნდა დაბრუნდნენ ახალგაზრდები, აქ უნდა ცხოვრობდნენ, ვითარდებოდნენ და შრომობდნენ. ამის შესახებ გიორგი გახარიამ, ქართული ოცნების თიანეთის მაჟორიტარობის კანდიდატის წარდგენაზე განაცხადა.

"თიანეთში ბევრი რამ გაკეთდა, მაგრამ ჩვენი წარმატება არ უნდა იზომებოდეს გზების, წყლის ან გაზის გაყვანის რაოდენობით, ჩვენი მიღწევები უნდა იზომებოდეს იმით, რამდენ ახალგაზრდას დავაბრუნებთ ამ კუთხეში. საბოლოო მიზანი ის უნდა იყოს, რომ აქ, ამ ულამაზეს, დიდი ისტორიის მქონე კუთხეში დავაბრუნოთ ახალგაზრდები. ახალგაზრდები აქ უნდა ცხოვრობდნენ, ვითარდებოდნენ, შრომობდნენ და ღირსეულად უნდა არჩენდნენ თავიანთ ოჯახებს. ეს არის ძირითადი მიზანი და ეს უნდა იყოს თქვენი მაჟორიტარის და ადგილობრივი ხელისუფლების ძირითადი მიზანიც", — განაცხადა გიორგი გახარიამ.

საქართველოს პრემიერმინისტრმა, გიორგი გახარიამ, თიანეთში, მცხეთის, დუშეთის, თიანეთისა და ყაზბეგის საარჩევნო ოლქში ქართული ოცნების მაჟორიტარი დეპუტატობის კანდიდატი შალვა კერესელიძე წარადგინა.