პატრიოტთა ალიანსის ყოფილი წევრი, დეპუტატი ნატო ჩხეიძე მოძრაობა სახელმწიფო ხალხისთვის პოლიტსაბჭოს თავმჯდომარე გახდა. ამის შესახებ დღეს, 9 მაისს მოძრაობის ლიდერმა, ნიკა მაჭუტაძემ ბრიფინგზე განაცხადა. მან ასევე პოლიტსაბჭოს განახლებული შემადგენლობა წარადგინა.

"მოძრაობა სახელმწიფო ხალხისთვის გავხდით საპარლამენტო პარტია, ქალბატონი ნატოს მეოხებით. დიდი მადლობა ზაზა ოქუაშვილს რაც მათ მიუძღვით ქართულ დემოკრატიაში", — ამბობს მაჭუტაძე.

ნატო ჩხეიძის თქმით, მან შემოთავაზება მოძრაობისგან მიიღო, რომ ყოფილიყო მათი პოლიტიკური ლიდერი:

"იმის გამო, რომ ეს მოძრაობა არის დიდი და მძლავდი გაერთიანების წევრი, რომელსაც ჰქვია ძალა ერთობაშია და რომელსაც ძალუძს ამ ცუდი მთავრობის შეცვლა და გაერთიანებული ოპოზიციის ფორმატში უკვე მოახერხა მან, რომ მთელი რიგი თემები დაეთმობინებიდა ივანიშვილის რეჟიმისათვის".