საზოგადოებრივი მაუწყებლის გენერალური დირექტორი თანამდებობას ტოვებს. გიორგი ბარათაშვილი მაუწყებლის ბორდს განცხადებით ორშაბათს მიმართავს. როგორც თავად ამბობს, განმარტებას სამეურვეო საბჭოსთან შეხვედრის შემდეგ გააკეთებს.

გიორგი ბარათაშვილი საზოგადოებრივი მაუწყებლის გენერალური დირექტორის თანამდებობაზე 2012 წლის 28 დეკემბერს დაინიშნა და მას უფლებამოსილების ვადა 2018 წელს ეწურებოდა.

მას შემდეგ, რაც სამეურვეო საბჭო ბარათაშვილის განცხადებას დააკმაყოფილებს, 10 დღის ვადაში უნდა გამოაცხადოს ღია კონკურსი ვაკანტურ თანამდებობაზე. ამის შემდეგ კი, მსურველებს განაცხადებისთვის 30 კალენდარული დღე აქვთ. ვადის ამოწურვის შემდეგ კი საბჭომ 3 დღის ვადაში უნდა გამოაქვეყნოს კანდიდატთა სია და ერთკვირიან ვადაში მაუწყებლის ახალი დირექტორი შეარჩიოს.