ბოჭორიშვილის კლინიკაში კორონავირუსით ინფიცირებულ ერთ პაციენტს ქირურგიული ჩარევა დასჭირდა. როგორც კლინიკის სამეთვალყურეო საბჭოს თავმჯდომარემ, მაია სოლოღაშვილმა ჟურნალისტებს განუცხადა, ახალგაზრდა კაცი უკვე სამი კვირაა მათ კლინიკაში მკურნალობს.

მაია სოლოღაშვილის თქმით, პაციენტს ორი დღის წინ შეტევითი სახის ტკივილები დაეწყო, რის გამოც ოპერაცია დასჭირდა. ამჟამად მისი მდგომარეობა სტაბილურია.

"მოგეხსენებათ, ორმაგი პნევმონია, ჰიპერკოაგულაცია, პერსონალის საკმაოდ ახლო შეხება მაღალ ეპიდემიოლოგიურ რისკებთან. ეს სერიოზულ რისკებს წარმოადგენდა კლინიკისთვის. ჩვენს კლინიკას აქვს სერიოზული გამოცდილება. აქვს ექვსი საოპერაციო, საბედნიეროდ ბოქსირებულ სექტორში არის ცალკე საოპერაციო, სადაც მას ცალკე ჩაუტარდა ოპერაცია", — განაცხადა მაია სოლოღაშვილმა.

საქართველოში კორონავრიუსი კიდევ 22 ადამიანს გამოუვლინდა. საერთო ჯამში კი შემთხვევების რაოდენობა 539-მდე გაიზარდა.

კორონავირუსისგან გამოჯანმრთელდა 178 ადამიანი, ხოლო 6 გარდაიცვალა. კარანტინის რეჟიმში რჩება 5 256 პირი, სტაციონარში მეთვალყურეობის ქვეშ — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: