დაავადებათა კონტროლის ცენტრის ცხელი ხაზი 116 001

კორონავირუსის გავრცელების პრევენციის მიზნით რუსთაველის, მარჯანიშვილისა და სამეფო უბნის თეატრი მუშაობას 3 მარტიდან 16 მარტამდე წყვეტს.

სამეფო უბნის თეატრის სპექტაკლებზე შეძენილი ბილეთები შეგიძლიათ შეინახოთ, ან დააბრუნოთ სალაროში. რუსთაველის თეატრმა სპექტაკლების განრიგი უკვე განაახლა, ხოლო მარჯანიშვილის თეატრი, განახლებულ განრიგს და ინფორმაციას ბილეთების დაბრუნებასთან დაკავშირებით უახლოეს პერიოდში გამოაქვეყნებს.

მუშაობას არ წყვეტს თავისუფალი თეატრი, სადაც სპექტაკლები განრიგის მიხედვით გაიმართება.

გუშინ, პირველ მარტს კორონავირუსის გამო მუშაობა 16 მარტამდე შეწყვიტა ილიაუნის თეატრმაც.

პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს. საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს.

საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. ამასთანავე დეზინფექცია ჩაუტარდა თბილისის საზოგადოებრივ ტრანსპორტს.

ამავე თემაზე:

გაიგეთ მეტი კორონავირუსის პრევენციის შესახებ: