ცოტნე გამსახურდიას დაჭრის საქმეზე განზრახ მკვლელობის მცდელობის ბრალდება კიდევ ერთ პირს წარუდგინეს. უწყების განცხადებით, კვალიფიკაცია დაზუსტდა და 19-109-ე მუხლის მეორე ნაწილის "ე" ქვეპუქტნით, რაც დამამძიმებელ გარემოებაში განზრახ მკვლელობას გულისხმობს, ბრალი ორ პირს წარედგინა.

შეგახსენებთ, რომ ამ საქმეზე 5 პირი იყო დაკავებული და მხოლოდ 1-ს ედებოდა ბრალი მკვლელობის მცდელობაში, სხვებს კი დანაშაულის შეუტყობინებლობაში. ოჯახმა გამოძიების ეს ვერსია გააპროტესტა, ისინი აცხადებდნენ, რომ ერთი პირი ცოტნე გამსახურდიას ასე დაჭრას ვერ შეძლებდა.

საქართველოს პირველი პრეზიდენტის, ზვიად გამსახურდიას შვილი, ცოტნე გამსახურდია 19 დეკემბრის საღამოს დაჭრეს. შემთხვევა თბილისში, ვერაზე მოხდა. ინციდენტის შემდეგ ცოტნე გამსახურდიას გულმკერდის არესა და თავის ტვინზე ორი ოპერაცია ჩაუტარდა. ამჟამად მისი მდგომარეობა სტაბილურია, მაგრამ მძიმე.