თურქეთის საელჩოსთან პარალელურ რეჯიმში საპროტესტო აქცია და ზეიმი მიმდინარეობს. პოლიციის ბარიკადების ერთ მხარეს შეკრებილები თურქეთის ეროვნული სუვერენიტეტისა და ბავშვთა დღესასწაულის დღეს ზეიმობენ. მეორე მხარეს კი სომეხი ერის გენოციდს აპროტესტებენ. საქართველოს სომხური სათვისტომო დღესაც ისევე, როგორც ყოველ წელს ხელისუფლებას გენოციდის აღიარებისკენ მოუწოდებენ.

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

ფოტო: თამუნა გეგიძე / On.ge

თურქეთის ეროვნული სუვერენიტეტისა და ბავშვთა დღესასწაულის დღის აღსანიშნი ღონისძიება

თურქეთის ეროვნული სუვერენიტეტისა და ბავშვთა დღესასწაულის დღის აღსანიშნი ღონისძიება

ფოტო: თამუნა გეგიძე / On.ge

სომხეთის გენოციდის დღესთან დაკავშირებული აქციის მონაწილეების თქმით, ისინი პატივს მიაგებენ ოსმალეთის იმპერიაში განხორციელებულ სომეხთა გენოციდის მსხვერპლთა ხსოვნას. აქციის მონაწილეებმა შეასრულეს სომხეთის ჰიმნი. ადგილზე მობილიზებულია პოლიცია.

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

ფოტო: თამუნა გეგიძე / On.ge

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

საქართველოს სომხური სათვისტომოს აქცია თურქეთის საელჩოსთან გენოციდის აღიარების მოთხოვნით

ფოტო: თამუნა გეგიძე / On.ge

სომხების გენოციდის მსხვერპლთა ხსენების დღედ მიჩნეულია 24 აპრილი. 1915 წელს სწორედ ამ დღეს სტამბულში სომხეთის ინტელიგენციის 800 წარმომადგენელი ჯერ დააპატიმრეს, შემდეგ კი დახოცეს. ამის შემდეგ დაიწყო ეთნიკური სომხების მასობრივი მკვლელობები და დეპორტაცია, რის შედეგადაც მილიონნახევარი ადამიანი დაიღუპა.

სომეხთა გენოციდის ფაქტი პირველმა ოფიციალურად 1965 წელს აღიარა ურუგვაიმ, მას შემდეგ, აღიარებას კიდევ 21 ქვეყანა შეუერთდა, მათ შორის, საფრანგეთი, გერმანია, იტალია, რუსეთი და კანადა.

2009 წელს, სომეხთა გენოციდი ასევე აღიარეს ავსტრალიამ და შვედეთმა. თურქეთი და თურქული ისტორიოგრაფია ოსმალეთის იმპერიაში სომხური მოსახლეობის მიზანმიმართული განადგურების ფაქტს დღემდე კატეგორიულად უარყოფს.

სომხეთი აგრძელებს მსოფლიოს ქვეყნებისადმი მოწოდებას, რომ 1915 წლის მოვლენები გენოციდად აღიარონ.