საბერძნეთში საქართველოს ელჩის, იოსებ ნანობაშვილის განცხადებით, 2018 წელს საქართველოს მოქალაქეებზე 5 006 ბინადრობის მოწმობა გაიცა. მისივე განცხადებით, 2 286 პირველადი ბინადრობის ნებართვა იყო.

როგორც ელჩი აღნიშნავს, საბერძნეთში მცხოვრები საქართველოს მოქალაქეების ლეგალიზაციის ხელშეწყობისთვის საელჩო შესაბამის სტრუქტურებთან აქტიურად მუშაობს:

"ამ თანამშრომლობის ფარგლებში, ბერძენ კოლეგებთან ინტენსიურად ვიხილავთ ისეთ საკითხებს, როგორიცაა: ჩვენს თანამემამულეებზე ბინადრობის ნებართვების გაცემის გამარტივება, საქართველოს მოქალაქეების განცხადებების განხილვის პროცესის დაჩქარება, საბერძნეთის სამთავრობო ინსტიტუტების მხრიდან ჩვენი მოქალაქეების მიმართ პოზიტიური დამოკიდებულების განმტკიცება და სხვ", — ნათქვამია ელჩის განცხადებაში.