საქართველოს შინაგან საქმეთა მინისტრი, გიორგი გახარია ადასტურებს, რომ ომეგა ჯგუფის მფლობელი, ზაზა ოქუაშვილი და ბიძინა ივანიშვილი ერთმანეთს შეხვდნენ. მაშინ გახარია ბიზნეს-ომბუდსმენი იყო, თუმცა არ დაუკონკრეტებია რა სტატუსი ჰქონდა შეხვედრაზე ივანიშვილს.

"შეხვედრა შედგა, რა თქმა უნდა, მე მაშინ ვიყავი ბიზნესომბუდსმენი და როგორც ჩანს, ვიყავი ძალზედ ძლევამოსილი ბიზნესომბუდსმენი და რას თქმა უნდა, ამ შეხვედრის ძირითადი მიზანი იყო ადგილობრივი წარმოების მხარდაჭერა და იმ გაუბედურებული კომპანიის მხარდაჭერა, რომელმაც როგორც ჩანს, ამ პერიოდში სამწუხაროდ, დააგროვა ამხელა ვალი", — განაცხადა გახარიამ დასძინა, რომ ოქუაშვილი "გადაიხდის ბოლო ლარს ბიუჯეტში, რაც ეკუთვნის".

გახარია ამბობს, რომ მზად არის გასცეს ყველა კითხვას პასუხი თბილისშიც და ლონდონშიც, სადაც ოქუაშვილი სამართლებრივ დავას იწყებს.