ამერიკაში ქარიშხალი ფლორენსის შედეგად დაღუპულთა რიცხვი 12-მდე გაიზარდა. BBC-ის ინფორმაციით, ხელისუფლება მოსახლეობას სიტუაციის გართულების შესახებ აფრთხილებს. აშშ-ის ქარიშხლების ეროვნული ცენტრის განცხადებით, წყლის დონის მატება დატბორვას გამოიწვევს.

ქარიშხალმა ფლორენსმა ჩრდილოეთ კაროლინას 13 სექტემბერს მიაღწია, რამაც სანაპიროზე ძლიერი ქარი და წვიმა გამოიწვია. მიუხედავად იმისა, რომ კვირას, 16 სექტემბერს ქარიშხალი შესუსტდა წყლის დონის მატებამ კაროლინის მნიშვნელოვანი ნაწილი მაინც დატბორა.

ფოტო: Reuters

Reuter-ის ინფორმაციით, კაროლინიდან საერთო ჯამში 26 000 ადამიანის ევაკუაცია განხორციელდა. გამოცემა თეთრ სახლზე დაყრდნობით წერს, რომ დონლანდ ტრამპმა ხელი მოაწერა ბრძანებულებას დაზარალებული მხარეების ფედერალური დაფინანსების შესახებ.

ქარიშხლების ცენტრის ინფორმაციით, შტორმი დასავლეთის მიმართულებით მოძრაობს და ორშაბათს ოჰაიოს შტატს მიაღწევს.

ფოტო: AP