HaHa რეაქციების გამო ფეისბუქპოსტის წაშლის შემდეგ, აფხაზეთის დე ფაქტო პრეზიდენტის, რაულ ხაჯიმბას ოფიციალური ფეისბუქგვერდი გაუქმდა.

რაულ ხაჯიმბას ფეისბუქგვერდზე გუშინ, 14 მაისს რუსეთში ფეხბურთის მსოფლიო ჩემპიონატზე გადაღებული ფოტოები გამოქვეყნდა. ხაჯიმბა მეორე თვითგამოცხადებულ პრეზიდენტთან, ანატოლი ბიბილოვთან ერთად ჩემპიონატს ესწრება. დე ფაქტო პრეზიდენტები, ვლადიმერ პუტინთან და სხვა ლიდერებთან ერთად საპატიო ლოჟიდან ადევნებენ თამაშს თვალს.

ფოტო: აფხაზეთის დე ფაქტო პრეზიდენტის ვებგვერდი

ფოტო: აფხაზეთის დე ფაქტო პრეზიდენტის ვებგვერდი

ინტერნეტმომხმარებლები ხაჯიმბას პოსტ HaHa რეაქცაის უწერდნენ და გვერდს არეპორტებდნენ. თავდაპირველად ხაჯიმბას ფეისბუქგვერდზე ეს პოსტი აღარ იძებნებოდა, მოგვიანებით კი თავად გვერდი.

HaHa ომი პირველად აფხაზეთის საგარეო საქმეთა დე ფაქტო მინისტრის, დაურ კოვეს წინააღმდეგ დაიწყო. კოვემ ფეისბუქზე სირიის მიერ, აფხაზეთის დამოუკიდებლად აღიარება აღნიშნა. სიცილმა დე ფაქტო მინისტრი აიძულა პოსტი წაეშალა.