გომბორზე მიკროავტობუსი ხევში გადავარდა და ოთხი ადამიანი დაიღუპა, მათ შორის ერთი არასრულწლოვანი. ინფორმაცია ამის შესახებ On.ge-ს შინაგან საქმეთა სამინისტრომ დაუდასტურა.

უწყების განმარტებით, მიკროავტობუსი თბილისიდან მიემგზავრებოდა. პირველადი ინფორმაციით, მიკროავტობუსს მოსწავლეები ექსკურსიაზე მიჰყავდა.

გამოძიება სისხლის სამართლის კოდექსის 276-ე მუხლის მეშვიდე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის გარდაცვალება გამოიწვია. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.