ქართველი მევიოლინე ლიზა ბათიაშვილი ნობელის პრემიის კონცერტზე რვა დეკემბერს სოლოს შეასრულებს. ინფორმაცია პრემიის ვებგვერდზე გავრცელდა.

ნობელის პრემიის კონცერტის ისტორიაში სტოკჰოლმის ფილარმონიულ ორკესტრს პირველად ქალი დირიჟორი, კარინა კანელაკისი გაუძღვება.

ნობელის პრემიის კონცერტი ლაურეტების საპატივსაცემოდ ტარდება. კონცერტს ეწრებიან შვედეთის სამეფო ოჯახის წარმომადგენლები და ნობელის ფონდის სტუმრები. 2018 წელს რიგით მეცამეტე კონცერტი გაიმართება.