დიდი ბრიტანეთის სამეფო ოჯახის შესახებ გადაღებული ნეტფლიქსის დრამა The Crown მესამე სეზონისთვის ემზადება.

ცოტა ხნის წინ გავრცელდა ინფორმაცია, რომ დრამის მესამე სეზონში, პოლ ბეთანი ელიზაბეტის ქმრის, პრინც ფილიპის როლზე მეთ სმიტს შეცვლიდა, თუმცა საბოლოოდ არხმა და ბეთანიმ მოლაპარაკებას ვერ მიაღწიეს და ეს როლიც საბოლოოდ სხვა მსახიობს ერგო.

მეთ სმიტის ნაცვლად, ფილიპის როლზე ტობიას მენზისს ვიხილავთ.

შოუს შემქმნელებმა ახალი დედოფალიც იპოვეს, ელიზაბეტ მეორეს როლზე კლერ ფოის სულ მალე ოლივია კოლმანი შეცვლის.

დადასტურდა ისიც, რომ ელიზაბეტის დის, მარგარეტის როლს ლეგენდარული ბრიტანელი მსახიობი ჰელენა ბონემ კარტერი მოირგებს.

The Crown-ის პროდიუსერებმა გაამხილეს ისიც, რომ შოუს მესამე სეზონში პრინცესა დაიანას პერსონაჟიც გამოჩნდება, თუმცა ჯერ-ჯერობით უცნობია თუ ვინ შეასრულებს მის როლს.

როგორც შოუს შემქმნელები ამბობენ, ლედი დის მესამე სეზონის ბოლოს ვიხილავთ, რაც იმის დამადასტურებელია, რომ მომდევნო სეზონები უშუალოდე დიდი ბრიტანეთის დედოფლის, ელიზაბეტისა და ხალხის გულების პრინცესის შესახებ იქნება.

მიუხედავად იმისა, რომ ნეტფლიქსის ეს შოუ დიდი პოპულარობითა და მაყურებლის სიყვარულით სარგებლობს, სკანდალში გახვევა მაინც მოახერხა. ნეტფლიქსმა გადაწყვიტა, რომ სერიალ The Crown-ში, ელიზაბეტ მეორეს როლის შემსრულებელი კლერ ფოისთვის მონარქის სტატუსი ეკმარა და ჰონორარი იმაზე გაცილებით ნაკლები მიეცა, ვიდრე მისი პარტნიორი, პრინცი ფილიპის როლის შემსრულებელი მეთ სმიტი იღებს.

როგორც ცნობილია, კლერ ფოის The Crown-ის თითო ეპიზოდში $40 ათას დოლარს უხდიან, უცნობია სმიტის ჰონორარი, თუმცა სხვადასხვა წყაროები ამბობენ, რომ მისი ხელფადი ორჯერ უფრო მეტია.

ამ ყველაფერთან დაკავშირებით სერიალის პროდიუსერმა სიუზან მეისკიმ ბოდიში მოიხადა და თქვა, რომ მესამე სეზონში სიტუაცია გამოსწორდება და სერიალში, გენდერული ნიშნით ჰონორარის გაცემა აღიკვეთება.

აღსანიშნავია, რომ The Crown ტელევიზიის ისტორიაში ერთ-ერთი ყველაზე ძვირადღირებული შოუა, რომლის პირველი სეზონის გადაღებაც $130 მილიონი დოლარი დაჯდა.

როგორც ცნობილია, უკვე დაგეგმილია დრამის ექვსი სეზონი და ის დედოფლის ცხოვრების ყველა ეტაპს შეეხება.