Hulu-მ ცოტა ხნის წინ ემისა და ოქროს გლობუსის მფლობელი სერიალის, The Handmaid's Tale-ის მეორე სეზონის ახალი ტრეილერი გამოაქვეყნა. "ნუთუ ასეთია თავისუფლება" - ეს არის მეორე სეზონის ტრეილერის მთავარი თემა. გილეადი, როგორც სახელმწიფო, შეიძლება დაიშალოს, თუმცა გილეადი, რომელიც მის მაცხოვრებლებშია, არსებობას აგრძელებს.

ერთ-ერთ შემაძრწუნებელ კადრში ჩამომხრჩვალ მხევლებსაც ვხედავთ, რაც იმას ნიშნავს, რომ მოვლენები კიდევ უფრო დრამატული გახდება. ახალი სეზონის სიუჟეტის ცენტრში მთავარი პერსონაჟის ორსულობა, რეჟიმის წინააღმდეგ ბრძოლა და ელიზაბეტ მოსის გმირის დაკარგული ქალიშვილის ძიების პროცესი იქნება.

"მხევლის წიგნი" ახალი სეზონით ეკრანებზე 2018 წლის 25 აპრილს დაბრუნდება.