Netflix-ის სერიალის 13 მიზეზი რატომ მსახიობი, ჯასტინ პრენტისი, შოუს გულშემატკივრის მიერ გამოგზავნილმა გულწრფელმა წერილმა აატირა.

ჯასტინი სერიალში ბრიუსის როლშია, რომელიც მჩაგვრელი და სექსუალური მოძალადეა. მისი თქმით, ხშირად ფანები მას რეალობაშიც უარყოფით პერსონაჟთან აიგივებენ, თუმცა ამ ვიდეოს ნახვის შემდეგ დარწმუნდებით, რომ ის მისგან სრულად განსხვავდება.

წერილის ავტორი რეალურ ცხოვრებაში განცდილი სექსუალური ძალადობის მსხვერპლია, ის სერიალს და ჯასტინს მადლობას უხდის სიმართლისა და რეალური სურათის გადმოცემისთვის.

"ბავშვობაში სექსუალური შევიწროების მსხვერპლი ვიყავი, 19 წლის ასაკში კი გამაუპატიურეს", - წერს ის და დასძენს, რომ თავდასხმის შემდეგ, ჩალურჯებების, ნაკაწრებისა და ტვინის შერყევის გარდა, სამი ნეკნი ჰქონდა გატეხილი.

ავტორის თქმით, მან რამდენჯერმე სცადა თვითმკვლელობა და ინციდენტის შემდეგ, საკუთარ თავს მუდმივად აყენებდა ზიანს:

"ამ სერიალმა ჩემი სიძლიერე გამოსცადა და უკვე 8 თვეა, რაც საკუთარი თავისთვის არ მივნია. ახლა ტრამვის შემდეგ დარჩენილი სტრესული აშლილობა მაქვს, თუმცა ჩემს მოძალადეზე უფრო ძლიერი ვარ".

"შენ ნამდვილად მასზე ძლიერი ხარ", - ამბობს ჯასტინი ამ სიტყვების წაკითხვის შემდეგ.

ავტორი წუხს, რომ ჯასტინი სერიალში შექმნილი პერსონაჟის გამო, სიძულვილს იღებს და დასძენს, რომ, სწორედ სერიალმა გადააწყვეტინა თავის ტრავმაზე საუბარი და ეს დაეხმარა კიდეც სირცხვილის დაძლევაში:

"ვწუხვარ იმ გამოხმაურების გამო, რასაც იღებ. შენ ბრიუსი არ ხარ და ვისურვებდი, ხალხი ამას ხვდებოდეს. შენ თამაშობ ადამიანს, რომლისაც მეშინია, თუმცა ეხმარები მათ, ვისაც თავის წარსულზე საუბრის დაწყება სჭირდება. მადლობა, რომ ჩემი სიცოცხლე იხსენი".

ამ სიტყვების შემდეგ, აღელვებულმა ჯასტინმა ცრემლები ვერ დამალა.

"ჯანდაბა. ამ ადამიანით ვამაყოფ. ყველა მისი მსგავსი ადამიანით ვამაყობ, ვინც მათ წარსულ შემთხვევებზე მეტად ძლიერები არიან. ესენი არიან გმირები, ესენი არიან ნამდვილი ადამიანები, ესენი მისაბაძი მაგალითები არიან", - თქვა მსახიობმა.

Netflix-ის დრამა თინეიჯერებზე, 13 Reasons Why, მეორე სეზონით ეკრანებზე 2018 წელს დაბრუნდება. 13 მიზეზი რატომ ეკრანებზე 2017 წლის 31 მარტს გამოვიდა