აფხაზეთში დე-ფაქტო საპრეზიდენტო არჩევნების ვადაზე ადრე ჩატარებასთან დაკავშირებული რეფერენდუმი ვერ შედგა. ამის მიზეზი მასში მონაწილე მოქალაქეთა უპრეცედენტოდ დაბალი აქტიურობა გახდა, პლებისციტში მონაწილეობა 133 ათასი ამომრჩევლიდან მხოლოდ 725-მა მიიღო. ინფორმაციას Ekhokavkaza ავრცელებს.

9 ივლისს, რეფერენდუმამდე 1 დღით ადრე, ოპოზიციამ მოუწოდა მოსახლეობას ბოიკოტი გამოეცხადებინა პლებისციტისთვის, რადგან "ხელისუფლებამ თავისუფალი ნების გამოხატვისათვის პირობები არ შექმნა". თუმცა, აღსანიშნავია ისიც, რომ უკანასკნელი დღეების განმავლობაში ხაჯიმბამ არაერთი განცხადება გააკეთა იმის თაობაზე, რომ თითოეულ მოქალაქეს შეეძლო თავად გადაეწყვიტა, მიიღებდა თუ არა რეფერენდუმში მონაწილეობას.

1 ივნისს პრეზიდენტ ხაჯიმბას ბრძანება გამოსცეს, რომლის თანახმადაც ზემოაღნიშნული რეფერენდუმი 10 ივლისს უნდა ჩატარებულიყო. 5 ივლისს რეფერენდუმის შემოდგომაზე გადატანისა და შინაგან საქმეთა მინისტრის, ლეონი ძაპშბას გადაყენების მიზნით, რომელსაც მუქარას აბრალებდნენ, სოხუმში აქცია გაიმართა.

შედეგად, რაულ ხაჯიმბაბ ძაპშბა თანამდებობიდან დროებით გადააყენა, რეფერენდუმის ჩატარების შესახებ ბრძანება კი არ გააუქმა, რადგან შესაბამის უფლებამოსილებას მას არსებული კანონი არ აძლევს.