2019 წელი HBO-სთვის ძალიან წარმატებული იქნება. ამის თქმის საფუძველს სხვა დაგეგმილ შოუებთან ერთად, გვაძლევს ისიც, რომ სწორედ ამ დროს გამოდის "სამეფო კარის თამშების" ფინალური და "დიდი პატარა ტყუილების" მეორე სეზონი, რომელსაც მაყურებელი სულმოუთქმელად ელოდება.

HBO-ს აღმასრულებელმა პროდიუსერმა, ფრანცესკა ორსიმ, ისრაელში გამართულ ერთ-ერთ შეხვედრაზე სწორედ ამ ორი სერიალის შესახებ ისაუბრა.

"არხის ისტორიასა და ჩვენს კარიერაში ყველაზე ამაღელვებელი და ძლევამოსილი ეტაპია. წინასწარ არც ერთ მსახიობს არ ჰქონდა წაკითხული სცენარი და ხმამაღალი კითხვის დროს სათითაოდ იგებდნენ, რომ მათი პერსონაჟი მოკვდა. მერვე სეზონის სცენარი ყველამ ერთად, მრგვალი მაგიდის გარშემო წავიკითხეთ და ეს ყველაზე ბრწყინვალე რამ იყო, რაც ცხოვრებაში მინახავს. 15-20 წუთის განმავლობაში ვუკრავდით ტაშს სცენარისტებს. შემდეგ ყველამ ტირილი დაიწყო და სიჩუმემ დაისადგურა. ძალიან, ძალიან დიდი შოუ გველოდება", - ამბობს პროდიუსერი GOT-ის ფინალურ სეზონზე.

შეხვედრაზე განიხილეს Big Little Lies-ის მერე სეზონიც.

"ამ თემაზე ბევრი საუბრის უფლება არ გვაქვს, ვცდილობთ სერიალის შესახებ ყველა ინფორმაცია კონფიდენციალური იყოს. რაც შემიძლია ვთქვა, არის ის, რომ სცენარი ბრწყინვალეა, არანაკლებ ვიდრე პირველი სეზონი", - ამბობს ორსი.

ორივე სერიალის ახალი სეზონი 2019 წელს გამოვა.