U2-ს სოლისტმა ბონომ თავისსავე საქველმოქმედო ორგანიზაციაში, One, მომხდარი სექსუალირი შევიწროებისა და ჩაგვრის გამო საჯაროდ მოიხადა ბოდიში.

ორგანიზაციას ერთ-ერთმა თანამშრომელმა გეილ სმიტმა უჩივლა და თქვა, რომ იქ სექსუალური შევიწროების მსხვერპლი გახდა, ხოლო მას შემდეგ რაც ინტიმურ ურთიერთობაზე უარი თქვა, სექსისტური და დამამცირებელი კომენტარების სამიზნე აღმოჩნდა.

ბონომ აღნიშნა, რომ შეშფოთებულია ამ ბრალდებით და ყველაფერს ეცდება სიტუაციის გამოსასწორებლად.

"ძალიან ვწუხვარ მომხდარის გამო, პირობას ვდებ, რომ აღნიშნული ფაქტი დაუსჯელი არ დარჩება. მძულს დაშინება, ჩაგვრა და მუქარა. მე და ჩემი გუნდი აუცილებლად გამოვიკვლევთ ამ ამბავს და პირობას ვდებ, რომ მსგავს ფაქტი აღარასდროს განმეორდება. ქალთა უფლებების დაცვა ჩვენთვის მნიშვნელოვანია და თუ ვინმესთვის ეს დასაცინი ან მიუღებელია, მათი ადგილი ჩვენს გვერდით არ მოიძებნება"- ამბობს ბონო.

ბონომ და მისმა პარტნიორებმა საქველმოქმედო ორგანიზაცია 2004 წელს დააარსეს და მისი მთავარი მიზანია სიღარიბის დაძლევაა.