სერიალი ზებუნებრივი და ანიმაციური სერიალი სკუბი დუ ერთ ეპიზოდში გადაიკვეთება. მას შემდეგ, რაც ძმებმა ვინჩესტერებმა ლუციფერი დაამარცხეს, ანგელოზთა აჯანყება ჩაახშვეს, სამყარო განადგურებისგან იხსნეს, არაერთგზის მოკვდნენ და გაცოცხლდნენ, თავად სიკვდილი მოკლეს, ღმერთი შეარიგეს დასთან და პარალელური დედამიწაც კი მოინახულეს ახალი თავგადასავლის დრო დადგა.

ვინჩესტერები და მისტიკური კორპორაციის წევრები, რა თქმა უნდა მხიარულ და გამჭრიახ სკუბი დუსთან ერთად, პარანორმალური მოვლენების კვლევაში ჩაერთვებიან და ბოროტებას დაუპირისპირდებიან.

ფოტო: Entertainment Weekly

ეს ამბავი არამხოლოდ თქვენთვის, თავად ვინჩესტერებისთვისაც კი დიდი სურპრიზი გამოდგა. როგორც თიზერში ჩანს დინი და სემი შემთხვევით აღმოჩნდებიან სკუბი დუს რეალობაში. ჯერ უცნობია ეს ყველაფერი ნაჩუქარი ტელევიზორის ბრალია თუ მთავარანგელოზი გაბრიელის ხრიკები.

ამ სერიას Scoobynatural ერქმევა და ეთერში 29 მარტს გავა. ვნახოთ როგორ განვითარდება მოვლენები. ერთი რამ ცხადია, დინი ძალიან ბედნიერი იქნება საყვარელ მულტფილმში, რომ აღმოჩნდა. სახალისო თავგადასავალს უნდა ველოდოთ.