მას შემდეგ რაც გავიგეთ, რომ HBO-ს სერიალს, "დიდი პატარა ტყუილები", მეორე სეზონიდან ლეგენდარული მერილ სტრიპი უერთდება, შოუს დაწყებას კიდევ უფრო დიდი შემართებით ველით.

როგორც იცით, იმისთვის, რომ მერილი სერიალში ითამაშებს, მადლობა ნიკოლ კიდმანს უნდა გადავუხადოთ. დარწმუნებით შეიძლება იმის თქმაც, რომ "დიდი პატარა ტყუილების" მთელი შემოქმედებითი ჯგუფი, სამი ოსკარის მფლობელი მსახიობის შემომატებით აღფრთოვანებულია. ამას მოწმობს რიზ უიზერსპუნის რეაქციაც, რომელზეც მედელინის როლის შემსრულებელმა პირადად ისაუბრა.

"მერილმა მე და ნიკოლს მოგვწერა, რომ მზად არის შემოგვიერთდეს სერიალში. როცა პასუხი წავიკითხე ნიკოლს დავურეკე, ისე მიხაროდა ტელეფონი ხელიდან გამივარდა. ტელეფონში ვუყვუროდი [ნიკოლს] ეს სინამდვილეში ხდებოდა თუ არა, ამის შემდეგ ცოტახნით ჩამოვჯექი, ჩემს თავს ჩავეხუტე და ვუმეორებდი - ეს რეალობაა, შენ მერილ სტრიპთან ერთად იმუშავებ. დავურეკე სცენარის ავტორს და ვთხოვდი, რომ აუცილებლად, დაეწერა ჩემთვის ძალიან მაგარი სცენები, რომელშიც მერილ სტრიპთან ერთად ვიქნები", - ყვება რიზი.

სერიალის მეორე სეზონის გადაღებები ერთ კვირაში დაიწყება.

გაიგეთ მეტი: