BBC-ის ცნობით, საუდის არაბეთში სილამაზის კონკურსიდან თორმეტი აქლემი მოხსნეს მას შემდეგ, რაც აღმოაჩინეს, რომ მეპატრონეებმა ცხოველებს ბოტოქსი გაუკეთეს.

მეფე აბდულაზიზის აქლემების ფესტივალზე ათასობით აქლემი გამოჰყავთ ხოლმე და მათ ტუჩის ფორმისა და კუზის მიხედვით აფასებენ.

ფოტო: Reuters

ჟიურის წევრებმა კონკურსზე აღმოაჩინეს, რომ აქლემების მეპატრონეებმა იცრუეს, რათა საკმაოდ დიდი ფულადი ჯილდო მოეგოთ.

ფესტივალზე, რომელიც აქლემების რბოლასა და მათი რძის დეგუსტაციასაც კი მოიცავს, 57 მილიონი აშშ დოლარი თამაშდება.

ერთ-ერთი გავლენიანი არაბი მესაქონლის ვაჟის, ალი ალ მაზრუის თქმით, კონკურსში მონაწილე აქლემების მეპატრიონეებმა ცხოველების ტუჩებზე, ცხვირზე და ყბაზეც კი ბოტოქსი გამოიყენეს:

"[ბოტოქსი] თავს ბერავს და როდესაც აქლემი გამოვა უცებ ასეთი რეაქცია გაქვს, "ნახე, რამხელა თავი აქვს". ასევე, ტუჩები და ცხვირიც ეზრდებათ".

ჟიურის წევრები ყურადღებას აქცევენ იდეალურად განთავსებულ კუზსა და აქლემის დაკუნთულ აღნაგობას.

საუდის არაბეთის მედიის ცნობით, ფესტივალამდე, ვეტერინარი დაიჭირეს აქლემისთვის ყურების დაპატარავების პლასტიკური ოპერაციისთვისა და ბოტოქსის გაკეთებისთვის