თბილისის საქალაქო სასამართლომ, ჯანმრთელობის მდგომარეობის გამო, ქრთამის აღებაში ბრალდებული ოთარ აბესაძე 10 ათას ლარიანი გირაოს სანაცვლოდ გაათავისუფლა. ამის შესახებ On.ge-ს აბესაძის ადვოკატმა, ირმა ჭკადუამ უთხრა.

ოთარ აბესაძეს, ასევე, პირადობის მოწმობისა და პასპორტის ჩაბარება დაევალა.

თბილისის მერიის თანამშრომელი, ოთარ აბესაძე სახელმწიფო უსაფრთხოების სამსახურმა 11 ივლისს დააკავა. სუს-ის მტკიცებით, ოთარ აბესაძე მოქალაქეებს თბილისში, მდინარე მტკვარზე, ტივზე ინფრასტრუქტურის მოწყობისთვის საჭირო ნებართვების, სამი ათასი დოლარის სანაცვლოდ, აღებას დაჰპირდა.

აბესაძის ჯანმრთელობის მდგომარეობა მას შემდეგ გაუარესდა, რაც ის 26 დეკემბერს, სასამართლომ პატიმრობაში დატოვა.