დღეs, 24 დეკემბერს, შინაგან საქმეთა სამინისტრომ საპოლიციო კონტროლი დაასრულა. შსს-ს საბოლოო მონაცემებით საპოლიციო კონტროლის შედეგად სულ შემოწმდა 52 000-მდე პირი, დაკავებულია - 127. მათ შორის:

  • სისხლის სამართლის კოდექსით გათვალისწინებული დანაშაულის ჩადენისათვის - 45 პირი, მათ შორის არიან ცეცხლსასროლი იარაღის უკანონო შეძენა-შენახვა ტარებისთვის და ნარკოტიკების უკანონო შეძენა-შენახვისთვის დაკავებული პირები.
  • გატარებული ღონისძიებების შედეგად დაკავებულია სხვადასხვა დანაშაულისათვის ძებნილი 5 პირი;
  • ცივი იარაღის ტარების ფაქტზე გამოვლენილია 96 პირი;
  • ამოღებულია 1 კილოგრამზე მეტი ჰეროინი და სხვადასხვა სახის ნარკოტიკული საშუალებები;
  • ასევე ამოღებულია 73 ერთეული ცეცხლსასროლი იარაღი, 54 ხელყუმბარა, 122 კაფსულ-დეტონატორი, 3 740 ცალი ვაზნა.

შსს-ს ცნობით, რამდენიმე ფაქტზე შინაგან საქმეთა სამინისტროს გენერალურ ინსპექციაში მიმდინარეობს მოკვლევა და იმ შემთხვევაში, თუ გამოვლინდება სამსახურეობრივი გადაცდომა, თითოეულ ფაქტს მოჰყვება შესაბამისი სამართლებრივი რეაგირება.