ვარსკვლავური ომების: უკანასკნელი ჯედაის მსოფლიო პრემიერა რამდენიმე დღის წინ იყო. მერვე ეპიზოდის რეჟისორმა, რაიან ჯონსონმა კი კინოკრიტიკოსებისგან ნამუშევრისთვის მაღალი შეფასება მიიღო. მისი გვარი უკვე ჩაიწერა იმ რეჟისორების სიაში, რომლებმაც ლეგენდარული ფრენჩაიზი შექმნეს, მაგრამ სია შეიძლაბოდა სულ სხვანაირი ყოფილიყო.

ჰოლივუდის ბევრმა ცნობილმა და ჩვენთვის საყვარელმა რეჟისორმა სხვადასხვა დროს ვარსკვლავური ომების გადაღებაზე უარი თქვა:

დევიდ ლინჩი

რეჟისორი დევიდ ლინჩი, რომელმაც ფართო მასების სიყვარული ფილმებით Blue Velvet და The Elephant Man მოიპოვა, თქვა, რომ მას ვარსკვლავური ომების: ჯედაის დაბრუნების გადაღება შესთავაზეს:

"ჯორჯ ლუკასთან შესახვედრად წავედი, რომელმაც ჯედაის დაბრუნების გადაღება შემომთავაზა, სინამდვილეში არასდროს მომწონდა სამეცნიერო ფანტასტიკა. მე მომწონს მისი ელემენტები, მაგრამ მას სხვა ჟანრებთან შეთანხმებაც სჭირდება. უდავოა, რომ ვარსვკვლავური ომები მთლიანად ლუკასის ქმნილებაა".

საბოლოოდ პირველი ტრილოგიის მეექვსე ნაწილი რიჩარდ მარკუანდმა გადაიღო.

დეივიდ ფინჩერი

დეივიდ ფინჩერი Lucasfilm-ის წარმომადგენელს 2012 წელს შეხვდა, რათა ძალის გამოღვიძების გადაღებების შესაძლებლობა განეხილათ.

"მე შევხვდი კეტის [წარმომადგენელს], მაგრამ არ ვიცი როგორი იქნება დისნეი და ლუკასფილმი ერთად. ეს რთულია. მეხუთე ეპიზოდი ჩემი საყვარელია. თუ ვიტყვი, რომ ამაზე მეტის გაკეთება მინდა, დარწმუნებული ვარ, რომ ხალხი, რომელიც ამაში ფულს გადაიხდის, იტყვის, რომ "არა, არ შეგიძლია! გვინდა, რომ ის მსგავსი იყოს", - თქვა ფინჩერმა ერთ-ერთი ინტერვიუს დროს.

ირვინ კერშნერი

ფოტო: Getty Images

ირვინ კერშნერი ვარსკვლავური ომების მეხუთე ეპიზოდის, იმპერიის საპასუხო დარტყმის რეჟისორია. ჯორჯ ლუკასმა კერშნერს შესთავაზა, რომ ჯედაის დაბრუნება მას გადაეღო და ამით ტრილოგია დაესრულებინა, თუმცა კერშნერმა უარი თქვა:

"იმპერიაზე მუშაობის ორი წლისა და ცხრა თვის, ჩემი ცხოვრების დიდი ნაწილის გაცემისა და საპასუხოდ ბევრი რამის მიღების შემდეგ, მივხვდი, რომ ეს დიდი გამოცდილება იყო, და ახლა წინ წასვლის დროს მოვიდა".

გილერმო დელ ტორო

გილერმო დელ ტოროს ლუკასფილმმა შესთავაზა, რომ ძალის გამოღვიძება გადაეღო, მაგრამ რეჟისორმა The Playlist-ს უთხრა, რომ მას ისედაც ბევრი პროექტი ჰქონდა.

"სასიამოვნო იყო, რომ მთხოვეს, მაგრამ გჯერათ თუ არა, ძალიან დაკავებული ვარ".

სტივენ სპილბერგი

სტივენ სპილბერგი ვარსკვლავური ომების გადაღებასთან ბევრჯერ იყო ახლოს. ჯორჯ ლუკასმა სწორედ ის აირჩია პირველად, ვინც ჯედაის დაბრუნებას გადაიღებდა. მაგრამ სპილბერგს ამის უფლება ამერიკის რეჟისორთა გილდიის საკრედიტო დავის გამო არ შეეძლო. შემდგომში მან ერთ-ერთი პრიკველის გადაღების სურვილი გამოთქვა, თუმცა ლუკასმა ამის უფლება არ მისცა.

"მე ვკითხე მას. მაგრამ მან ამის უფლება არ მომცა. ვხვდები რატომ, ვარსკვლავური ომები - ჯორჯ ლუკასის ბავშვია. ეს მისი ინდუსტრიაა, მისი ანაბეჭდია. მან იცის, რომ იურიული პერიდის პარკი და რეიდერი მაქვს. მაგრამ ჯოჯრს ვარსკვლავური ომები აქვს, მეეჭვება, რომ ვინმესთან მისი გაზიარების სურვილი ჰქონდეს".