პრემიერ გიორგი კვირიკაშვილის განცხადებით, საქართველოში სიგრძით ყველაზე დიდი, თითქმის 8,5 კმ-იანი სარკინიგზო გვირაბის გათხრის სამუშაოები დასრულდა.

ქვიშხეთი-ზვარეს გვირაბის მშენებლობის პრეზენტაციას, რომელიც თბილისი-მახინჯაურის მთავარი სარკინიგზო მაგისტრალის პროექტის ნაწილია, საქართველოს პრემიერ-მინისტრი გიორგი კვირიკაშვილი დაესწრო:

"ამ მასშტაბური პროექტის განხორციელების შედეგად გაიზრდება სარკინიგზო ხაზის გამტარუნარიანობა, გაძლიერდება უღელტეხილის მონაკვეთზე მოძრავი შემადგენლობის უსაფრთხოება, და რაც ასევე ძალიან მნიშვნელოვანია, შემცირდება მგზავრობის დრო თბილისიდან ბათუმამდე".

უღელტეხილის მონაკვეთზე საინჟინრო ნაგებობებს კომპანია ჩინეთის რკინიგზის 23-ე ბიურო აშენებდა. პროექტს ზედამხედველობას უწევს საერთაშორისო ტენდერში გამარჯვებული კომპანია - ILF-ისა და DB International-ის კონსორციუმი.

კვირიკაშვილის თქმით, პროექტი 2020 წლისთვის დასრულდება.