სპეციალურმა პენიტენციურმა სამსახურმა NEWS.On.ge-ს რუსთავის N17 დაწესებულებაში პატიმრის გარდაცვალების შესახებ გავრცელებული ცნობა დაუდასტურა.

უწყების განცხადებით, 2 ოქტომბერს პატიმარმა სიცოცხლე თვითმკვლელობით დაასრულა. მომხდარზე დაწყებულია გამოძიება.

გარდაცვლილის მამიდამ "ტვ პირველთან" საუბარში განაცხადა, რომ პატიმარი ციხეს 2–3 თვეში ტოვებდა, რის გამოც ოჯახს თვითმკვლელობის ვერსიის არ სჯერა.

"პარასკევს გასკდა ეს ამბავი, რომ დაღუპულია. იძახიან, რომ თავი მოიკლაო, ბიჭებს უთქვამთ იქ, ტუალეტში შევიდაო, ლურსმანზე ყოფილა კაპრონის ძაფი და თავი ჩამოიხრჩოო.

სამწელიწადნახევარი ციხეში იყო და თავი არ მოუკლავს და ახლა, 2-3 თვეში უნდა გამოსულიყო და ახლა მოიკლავდა? თან ვარაუდია ახლა ეს. ციხის თანამშრომლებმა თქვეს, რომ დილით ყავა დალია, მერე ტუალეტში შევიდა და რომ შეაგვიანდა და აღარ გამოვიდა, მივაკითხეთ, კარი დაკეტილი იყო, შევამტვრიეთო და ლურსმანზე იყო ჩამოკიდებული ამ კაპრონის ძაფით," — განაცხადა გარდაცვლილის მამიდამ "ტვ პირველთან" საუბარში.