ნეტფლიქსი სერიალ House of Cards-ის დახურვასთან დაკავშირებით განმარტებას ავრცელებს. როგორც The Guardian-ს ნეტფლიქსის პრესასთან ურთიერთობის სამსახურმა დაუდასტურა, სერიალის დასრულების შესახებ გადაწყვეტილება რამდენიმე თვის წინ მიიღეს და ეს არანაირ კავშირში არის კევინ სპეისის მიმართ გამოთქმულ სექსუალური შევიწროების ბრალდებასთან.

შეგახსენებთ, რომ მსახიობმა და მუსიკოსმა ენტონი რეპმა კევინ სპეისის მის სექსუალურ შევიწროებაში დასდო ბრალი. მსახიობის თქმით, ეს შემთხვევა 1986 წელს მოხდა, როცა ის 14, ხოლო კევინ სპეისი კი 26 წლის იყო. ბრალდების შემდეგ ოსკაროსანმა მსახიობმა თავის ტვიტერზე დაწერა, რომ ამ შემთხვევის შესახებ არაფერი ახსოვს, თუმცა ბოდიში მაინც მოიხადა. ამავე განცხადებაში სპეისმა ქამინგ აუთი გააკეთა და თქვა, რომ გეია.

Netflix-ის საკულტო სერიალი, House of Cards მეექვსე სეზონით დასრულდება. ამის შესახებ ინფორმაცია რამდენიმე საათის წინ გახდა ცნობილი.