ქართული ოცნების თიანეთის მერობის კანდიდატმა ლელა ქიტესაშვილმა On.ge-სთან განაცხადა, რომ თიანეთში არჩევნების განმეორებით ჩატარება უფრო ობიექტური იქნებოდა:

"ამ შემთხვევაში არასამთავრობოს [ICDI] კომპეტენცია არის დავის გაგრძელება და ამ წუთას ის არის ჩამოყალიბების პროცესში და აქვს ამის დრო, მაგრამ რას გადავწყვეტ მათი გადაწყვეტილების შემდეგ, ამაზე არ ვსაუბრობ".

დღეს, 25 ოქტომბერს, მცხეთის რაიონულმა სასამართლომ გააუქმა თიანეთის საოლქო სასამართლოს გადაწყვეტილება ხუთი სადავო ბიულეტინის ვარგისად ცნობაზე და შესაბამისად, თიანეთის მერი თამაზ მეჭიაური გახდება.

მეჭიაურის ინტერესებს სასამართლოში საქართველოს ახალგაზრდა იურისტთა ასოციაცია იცავდა. ორგანიზაციის წარმომადგენლის, ირმა პავლიაშვილის თქმით, სასამართლომ გააუქმა საოლქო საარჩევნო კომისიის ორი გადაწყვეტილება - ბიულეტენების გადათვლისა და ბათილი ბიულეტენების ნამდვილად ცნობის შესახებ. შესაბამისად, ძალაში დარჩა შემაჯამებელი ოქმი, რომლითაც მეჭიაურმა არჩევნები ერთი ხმით მოიგო.