ცოტნე ივანიშვილი: ბოლოს როდესაც ვისაუბრე ძალადობასთან დაკავშირებით, ძალიან დიდი გამოხმაურება მოჰყვა, თითქოს, ეს იყო პოლიტიკაში მოსვლისთვის სვლა, ეს არასერიოზულია

17 May. 2026, 14:43

"რა თქმა უნდა, ვგმობ ძალადობას და ნებისმიერი ძალადობა მიმაჩნია ძალიან მიუღებლად. სხვათა შორის, ბოლო პერიოდში ხელისუფლება ახორციელებს კიდეც ამ ფაქტების მიმართ გამოძიებას და გარკვეული ქმედებებიც იქნა მიღებული. მე, იმის გარდა, რომ, რა თქმა უნდა, ვწუხვარ ძალადობასთან დაკავშირებით, კიდევ ერთხელ გეტყოდით, რომ ეს ყველაფერი უნდა განსაჯოს შესაბამისმა უწყებებმა და ამ ყველაფერს უნდა მოეკიდონ ყურადღებით, ჩემი აზრით, ეს ყველაფერი კარგად მიმდინარეობს. მე იმის გარდა, რომ ძალადობაზე ვწუხვარ, არ ვარ ისეთ პოზიციაში, რომ რამე დამატებითი გითხრათ.

მე არ ვარ ისეთ მდგომარეობაში, რომ გამოძიებასთან დაკავშირებით რაიმე ვიცოდე.სხვათა შორის, ბოლოს როდესაც ვისაუბრე ძალადობასთან დაკავშირებით, ამას ძალიან დიდი გამოხმაურება მოჰყვა. ათასი ტიპის სხვადასხვა აზრი იყო გამოთქმული. ცოტათი არასერიოზული კონსპირაციული თეორიებიც იყო. თითქოს, რადგან ძალადობასთან დაკავშირებით ვისაუბრე, ეს იყო რაღაც სტრატეგიული ნაბიჯი, თუ პოლიტიკაში მოსვლის სვლა. ეს ყველაფერი მართლა არასერიოზულია. მე ერთი წლის წინ ზუსტად 17 მაისს, ერთი ერთში იგივე დავაფიქსირე. ამასთან დაკავშირებით ჩემი პოზიცია ყოველთვის იყო თანმიმდევრული. ახალს ვერაფერს გეტყვით, ძალადობა ნებისმიერი ტიპის მაქსიმალურად უნდა იყოს არიდებული, ამის იქით, თავისთავად აუცილებელია წესრიგის დაცვა ქვეყანაში. დანარჩენ დეტალებს უკვე უზრუნველყოფს შესაბამისი უწყებები".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

კონგოში ებოლათი ინფიცირების სავარაუდო შემთხვევათა რაოდენობამ 900-ს გადააჭარბა