რუსეთის ფედერაციის საგარეო დაზვერვის სამსახური (СВР) საქართველოს კათოლიკოს-პატრიარქის არჩევასთან დაკავშირებით განცხადებას ავრცელებს, სადაც წერს, რომ ბართლომე საქართველოს პატრიარქის კანდიდატებად დასავლეთ ევროპის მიტროპოლიტ აბრაამს და ფოთისა და ხობის მიტროპოლიტ გრიგოლს განიხილავს, რაც ქართული ეკლესიის შიდა საქმეებში ჩარევაა.

СВР-ს პრესსამსახური იუწყება, რომ საგარეო დაზვერვის სამსახურის მიერ მიღებული ინფორმაციის თანახმად, კონსტანტინოპოლის პატრიარქი ბართლომე მსოფლიო მართლმადიდებლობაში დაჟინებით აგრძელებს გახლეჩის მზაკვრულ ხაზს "გათიშე და იბატონეს" პრინციპით.

"ამჯერად, მას სურს ისარგებლოს სრულიად საქართველოს კათოლიკოს-პატრიარქის ილია II-ის გარდაცვალებით და საქართველოს მართლმადიდებლური ეკლესია დაიმორჩილოს.

ფანარიოტს ვაკანტურ თანამდებობაზე მართლმადიდებლური ეკლესიის იმ წარმომადგენლის დაწინაურებას სურს, რომელსაც მას შეეძლება დაეყრდნოს. ბართლომე ამ თანამდებობაზე კანდიდატებად დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი) განიხილავს. ის მათ თავის ახლო წრეებს წარუდგენს, როგორც მისი ნების ყველაზე შესაფერის აღმსრულებლებს.

ეკლესიის წრეებში აღნიშნულია, რომ ძალაუფლებისადმი ლტოლვა კონსტანტინოპოლის განხეთქილების მუდმივი თანამგზავრი გახდა. თავისი ქმედებებით ბართლომე კვლავ ცვლის "პატივის პრიმატს" "ძალაუფლების პრიმატით", ერევა ერთ-ერთ უძველეს ქართული მართლმადიდებლური ეკლესიის შიდა საქმეებში. ცხადია, როგორც უკრაინის, სერბეთისა და ბალტიისპირეთის ქვეყნების შემთხვევაში, მას დაავიწყდა მეორე საეკლესიო კრების მეორე კანონი: "რეგიონული ეპისკოპოსები არ უნდა ავრცელებდნენ თავიანთ უფლებამოსილებას საკუთარი რეგიონის გარეთ მდებარე ეკლესიებზე...", — წერია რუსეთის საგარეო დაზვერვის სამსახურის პრესცენტრის განცხადებაში.