პროსამთავრობო ტელეარხ "რუსთავი 2-ის" ყოფილი გენერალური დირექტორის, ვაკო (ვარლამ) ავალიანის ხელფასი ტელეკომპანიაში მუშაობის დროს თვეში 39 ათას ლარზე მეტი იყო. ამის შესახებ ინფორმაციას "რადიო თავისუფლება" ავრცელებს. ავალიანი 2025 წლის ნოემბერში კატარში საქართველოს ელჩად დაინიშნა. დეკლარაცია 3 იანვარს შეავსო, რომელიც 4 მარტს გასაჯაროვდა. მის დეკლარაციაში აღრიცხული ქონება ასე გამოიყურება:

შემოსავალი "რუსთავი 2-ში" (სულ 400 000 ლარამდე):

როგორც დირექტორი: 314 213 ლარი (8 თვეში);
როგორც კონსულტანტი: 83 329 ლარი (2 თვეში);
საშუალო თვიური ანაზღაურება: 39 000 ლარზე მეტი.

უძრავი ქონება:

საქართველო: 2 მიწის ნაკვეთი (თბილისი და დუშეთი);

4 ბინა (3 თბილისში, 1 ბათუმში).

იტალია: 2025 წელს მეუღლის, თამარ ქაფიანიძის სახელზე 185 000 ევროდ შეძენილი ბინა.

მოძრავი ქონება და აქციები:

ავტომობილი: 2024 წელს 119 000 ლარად შეძენილი "ტოიოტა რავ 4".

ფასიანი ქაღალდები: 28 000 დოლარზე მეტი ღირებულების აქციები.

ფულადი აქტივები (საბანკო ანგარიშები და ნაღდი ფული):

ბანკში: 26 000+ ლარი, 21 000+ ევრო და 36 000+ კატარის რეალი (დაახლ. 26 000 ლარი).
ნაღდი ფული: 18 000 ევრო და 11 000 ლარი.

განათლების ხარჯი:

გასულ წელს შვილების სწავლაში გადახდილია 13 500 ევრო და 5 400 დოლარი.