ისრაელმა იმენის დედაქალაქ სანააზე საჰაერო იერიში მიიტანა, რასაც ჰუთების ჯანდაცვის სამინისტროს წარმომადგენლის ცნობით, ექვსი ადამიანი ემსხვერპლა. დაშავებულია 86 პირი. იერიშები მას შემდეგ განხორციელდა, რაც პარასკევს ჰუთებმა ისრაელის მიმართულებით ბალისტიკური რაკეტა გაუშვეს. ინფორმაციას Reuters ავრცელებს.

ისრაელის სამხედროების განცხადებით, სამიზნედ სამხედრო კომპლექსი იქცა, სადაც პრეზიდენტის სასახლე იყო განთავსებული, ასევე ორი ელექტროსადგური და საწვავის საცავი. სამხედროებმა განაცხადეს, რომ იერიშები "ბოლო დღეებში ისრაელის ტერიტორიაზე გასროლილ რაკეტებსა და უპილოტო აპარატებზე" პასუხი იყო.

ჰუთებმა, რომლებიც ირანის მოკავშირეებად ითვლებიან და იემენის მოსახლეობის მნიშვნელოვან ნაწილს აკონტროლებენ, რაკეტის გაშვებაზე პასუხისმგებლობა აიღეს და განაცხადეს, რომ ეს ნაბიჯი პალესტინელებისადმი მხარდაჭერის გამოხატვა იყო.