უკრაინის პრეზიდენტი, ვოლოდიმირ ზელენსკი X-ზე პოსტს აქვეყნებს, რომელშიც საუბრობს იმ შეხვედრის დეტალებზე, რომელიც უკრაინაში დონალდ ტრამპის სპეციალურ წარმომადგენელ კიტ კელოგთან გამართა. ზელენსკიმ აღნიშნა, რომ უკრაინა მზად არის ძლიერი, ეფექტიანი ინვესტიციისა და უსაფრთხოების შეთანხმებისთვის შეერთებული შტატების პრეზიდენტთან.

"მე მქონდა პროდუქტიული შეხვედრა ბატონ კელოგთან — კარგი დისკუსია, ბევრი მნიშვნელოვანი დეტალი. მე მადლიერი ვარ აშშ-ის გაწეული დახმარებისა და ორპარტიული მხარდაჭერის უკრაინისა და უკრაინელი ხალხის მიმართ.

ჩვენთვის და მთელი თავისუფალი სამყაროსთვის მნიშვნელოვანია, რომ ამერიკის ძალა იგრძნობოდეს. ჩვენ დეტალურად ვისაუბრეთ ფრონტზე არსებულ სიტუაციაზე, სამხედრო ტყვეების დაბრუნებასა და უსაფრთხოების ეფექტიან გარანტიებზე.

ამ ომის პირველივე წამიდან უკრაინას მშვიდობა სურდა. ჩვენ უნდა უზრუნველვყოთ მყარი და ხანგრძლივი მშვიდობა, რათა რუსეთი ომით ვეღარასდროს დაბრუნდეს. უკრაინა მზად არის ძლიერი, ეფექტიანი ინვესტიციისა და უსაფრთხოების შეთანხმებისთვის შეერთებული შტატების პრეზიდენტთან. ჩვენ წარმოვადგინეთ ყველაზე სწრაფი და კონსტრუქციული გზა შედეგის მისაღწევად — ჩვენი გუნდი მზად არის 24/7-ზე იმუშაოს.

წარმატება ყველას გვაერთიანებს. უკრაინისა და აშშ-ის მყარი ურთიერთობები მთელს მსოფლიოს არგებს. მადლობას ვუხდი გენერალ კელოგს ერთიანი შრომისთვის მნიშვნელოვანი შედეგების მისაღწევად", — წერს ვოლოდიმირ ზელენსკი X-ზე