პოლონეთის პრეზიდენტმა 18 თებერვალს განაცხადა, რომ აშშ აღმოსავლეთ ევროპაში სამხედროების რაოდენობის შემცირებას არ აპირებს — ამის შესახებ ანჯეი დუდამ უკრაინის საკითხებში დონალდ ტრამპის სპეციალურ წარმომადგენელ კიტ კელოგთან შეხვედრის შემდეგ ისაუბრა.

"აშშ-ს არ სურს, რომ აქ, ევროპის ჩვენს ნაწილში შეამციროს აქტივობა, განსაკუთრებით უსაფრთხოების მხრივ და არ სურს, რომ შეამციროს ამერიკელი ჯარისკაცების რაოდენობა. პირიქით, იმედი მაქვს, რომ პრეზიდენტ დონალდ ტრამპის ძალისხმევის წყალობით, უკრაინაში ომი დასრულდება", — თქვა დუდამ.

კელოგის შემდეგი ვიზიტი კიევში გაიმართება, სადაც ამერიკელი პოლიტიკოსი უკრაინის პრეზიდენტ ვოლოდიმირ ზელენსკის შეხვდება.