Associated Press-ის ნდობით, 6 თებერვალს ტრამპის ადმინისტრაციის იუსტიციის დეპარტამენტმა გააუქმა ბაიდენის ადმინისტრაციის პროგრამა, რომელიც მიზნად ისახავდა რუსი ოლიგარქების აქტივების ჩამორთმევას, როგორც რუსეთის დასასჯელ საშუალებას უკრაინაში შეჭრისთვის. ამის მიუხედავად, როგორც უკრაინის საკითხებში აშშ-ის პრეზიდენტის სპეციალური წარმომადგენელი კით კელოგი New York Post-თან ამბობს, უკრაინასთან ომის დასასრულებლად აშშ რუსეთზე სანქციებს კიდევ უფრო გაამკაცრებს, განსაკუთრებით ნავთობის მოპოვებისა და ექსპორტის სფეროში.

"პრეზიდენტი ტრამპი მზად არის გააორმაგოს აშშ-ის სანქციები რუსეთისთვის, რათა დასრულდეს ომი უკრაინასთან", — აცხადებს კეიტ კელოგი. მისივე თქმით, საამისოდ კიევსაც და მოსკოვსაც მოუწევთ დათმობებზე წასვლა იმისათვის, რომ "ბოლო მოუღონ მკვლელობებს ევროპის უდიდეს ქვეყანაში".

ფოტო: NYO

NYP-ის ცნობით, გასულ ხუთშაბათს, ტრამპმა მრჩევლებისა და კაბინეტის წევრებისგან შემდგარი გუნდი შეკრიბა, რომლებიც ფოკუსირებული არიან ეროვნულ უსაფრთხოებაზე. კელოგმა თქვა, რომ მათ განიხილეს, თუ როგორ გამოიყენონ ეროვნული ძალაუფლების ყველა ელემენტი ომის დასასრულებლად, სადაც კელოგმა გააკრიტიკა ყოფილი პრეზიდენტის, ჯო ბაიდენის სტრატეგია, რომელიც უკრაინის დაჰპირდა დახმარებას "იმდენ ხანს, რამდენიც დასჭირდება".

მიუხედავად იმისა, რომ პრეზიდენტი ტრამპი უკრაინას, შესაძლოა, იარაღის მიწოდების სანაცვლოდ იშვიათი წიაღისეულის ხელმისაწვდომობაზე გაურიგდეს, კელოგმა თქვა, რომ პრეზიდენტს ჯერ ომის შეჩერება სურს.

კელოგის თქმით, რუსეთისთვის დნმ-შია სამხედრო ოპერაციები. თუ ისტორიას გადახედავთ, არასოდეს მოგინდებათ რუსებთან ბრძოლაში ჩაბმა. ეს არის ქვეყანა, რომელიც მზად იყო დაეკარგა 700 000 ადამიანი სტალინგრადის ბრძოლაში ექვს თვეში და "ამაზე თვალი არ დაუხამხამებია".

"ამიტომ ზეწოლა არ შეიძლება იყოს მხოლოდ სამხედრო. თქვენ უნდა განახორციელოთ ეკონომიკური ზეწოლა, თქვენ უნდა განახორციელოთ დიპლომატიური ზეწოლა, გარკვეული ტიპის სამხედრო ზეწოლა და ბერკეტები, რათა დარწმუნდეთ, რომ ისინი იქითკენ მიდის, სადაც გვინდა", — განაცხადა კელოგმა NYP-თან.