4 თებერვალს, ბრიტანელ ჟურნალისტ, პირს მორგანთან ინტერვიუში, უკრაინის პრეზიდენტმა, ვოლოდიმერ ზელენსკიმ უკრაინის ალტერნატიულ ნაბიჯებზე ისაუბრა. ზელენსკის თქმით, თუ აშშ მზად არაა უკრაინის NATO-ში მისაღებად, ქვეყანამ ალტერნატიული გარანტიები, მაგალითად, ბირთვული იარაღი უნდა მიიღოს.

ასევე იხილეთ: ზელენსკის თქმით, უკრაინამ NATO-ს წევრობაზე უარის სანაცვლოდ, ბირთვული იარაღი უნდა მიიღოს

ზელენსკის განცხადების პასუხად, Fox News-თან ინტერვიუში უკრაინასა და რუსეთში აშშ-ს პრეზიდენტის, დონალდ ტრამპის სპეციალურმა წარმომადგენელმა კით კელოგმა განაცხადა, რომ შანსი იმისა, რომ უკრაინა ატომურ ბომბს მიიღებს, ნულსა და მინიმალურს შორის მერყეობს.

"ალბათობა იმისა, რომ უკრაინა ბირთვულ იარაღს მიიღებს, ნულსა და მინიმალურს შორის მერყეობს. მოდით ვიყოთ გულწრფელები — ყველამ ვიცით, რომ ეს არ მოხდება", —განაცხადა კელოგმა.