[ქართული ოცნება] სარკისებურად იმეორებს კრემლის სახელმძღვანელო ტაქტიკებს. ეს სახიფათო კურსია, ისეთი, რომელიც რეპრესიული მმართველობისკენ მიდის, — ამის შესახებ სოციალურ ქსელში ევროპარლამენტარი რიჰარდს კოლსი წერს. მისივე თქმით, "რეჟიმი ძალაუფლების კონსოლიდაციას ახდენს და ავტორიტარული მმართველობისკენ მიდის".

"დღეს, საქართველოს სხვა მეომრებთან ერთად, პრეზიდენტ სალომე ზურაბიშვილს ვესაუბრე. მან დეტალურად აღწერა საქართველოში არსებული საგანგაშო სიტუაცია, სადაც რეჟიმი ძალაუფლების კონსოლიდაციას ახდენს და ავტორიტარული მმართველობისკენ მიდის. საკანონმდებლო ზომები, მათ შორის საჯარო სამსახურის დასუსტება, მისი ერთგული პირებით დასაკომპლექტებლად და დემონსტრაციების მონაწილეების ოჯახების სამიზნეში ამოღება — სარკისებურად იმეორებს ტაქტიკებს პირდაპირ კრემლის სახელმძღვანელოდან.

ეს სახიფათო კურსია, ისეთი, რომელიც რეპრესიული მმართველობისკენ მიდის და სულ უფრო რთულია შემოსატრიალებლად მას შემდეგ, რაც ფესვს გაიდგამს. პრეზიდენტსა და პარლამენტარებს მოვუწოდე, რომ აქტიურ კოორდინაციაში იყვნენ და გააზრებულად ჩაერთონ რომ შეეწინააღმდეგონ ამ ტრაექტორიას", — წერს კოლსი.